Son Xəbər: Prezident ARDNF-in 2026-cı il büdcəsini təsdiqləyib, BP "Şahdəniz" yatağında seysmik kəşfiyyatın başlama tarixini açıqlayıb, Prezident İcbari tibbi sığorta fondunun 2026-cı il büdcəsini təsdiqləyib, Prezident 2026-cı ilin dövlət büdcəsini təsdiqləyib, Prezident İlham Əliyev “Bakı Ağ Şəhər”də olub, Sabah rayonlara qar yağacaq, güclü külək əsəcək - PROQNOZ, FHN bayramda gücləndirilmiş rejimdə çalışacaq, KİV: Putin və Zelenski arasında beş ildən sonra ilk telefon danışığı baş tuta bilər, KİV: İran kimyəvi və bioloji silah elementləri ehtiva edən ballistik raket başlıqları üzərində işləyir, Gəncədə qəza olub, xəsarət alanlar var,

Prezident 2026-cı ilin dövlət büdcəsini təsdiqləyib

Tarix: Bugün, 14:30

Prezident İlham Əliyev Milli Məclisin dekabrın 9-da qəbul etdiyi "2026-cı il dövlət büdcəsi haqqında" qanunu təsdiqləyib.

Qanuna əsasən, gələn il büdcə gəlirlərinin 38 milyard 609 milyon manat (2025-ci ilin təsdiq olunmuş proqnozuna nisbətən 0,7 % çox), xərclərinin isə 41 milyard 703,6 milyon manat (+0,7 %) olacağı gözlənilir.

Son nəticədə dövlət büdcəsində 3 milyard 94,6 milyon manat kəsir yaranmalıdır. Bu isə illik müqayisədə 1,4 % çoxdur.

2026-cı ildə Azərbaycanın icmal büdcəsinin gəlirlərinin isə 44 milyard 969,4 milyon manat, xərclərinin isə 48 milyard 839,3 milyon manat olacağı gözlənilir.

Bunlar 2025-ci ilin təsdiq olunmuş proqnozlarına nisbətən müvafiq olaraq 2,3 % və 2,5 % çoxdur.

Son nəticədə icmal büdcədə 3 milyard 869,3 milyon manat kəsir yaranmalıdır. Bu isə illik müqayisədə 5,2 % çoxdur.

Büdcədə neftin 1 barelinin qiyməti 65 ABŞ dolları götürülüb.